السيدابوعامر
مشرف عام المنتديات الأدبية
عدد الرسائل : 301
تاريخ التسجيل : 13/05/2008
 | موضوع: هذه قصة حدثت لفتاة وتقوول  الخميس يونيو 05, 2008 12:46 pm | |
|  السيدابوعامر سفير الحب والغرام يقدام  هذه قصة حدثت لفتاة وتقوول:.....هذه بدايه الحكايه:كنت على شوق دخول الجامعه وفعلا قمت بتسجيل رغباتي بالكليات الي كنت اتمنى د####ها كانت رغبتي الاولى كليه الحقوق وكانت امي بغايه السعاده كون اني البنت الاكبر واول فرحتها وابوي كان طاير من الفرحه و فعلا مرت الايام و تم قبولي بكليه الحقوق .طبعا دايما في اول يوم كوني ما اعرف احديكن عندي هذا اليوم يوم تعارف ....... كانت اخر محاضره في اول يوم دراسي تعرفت على بنتان وفعلا تكونت الصداقه بينا كانت وحده منهم مخطوبه فماتحب سولف المعاكسات وتحرش الشباب على الرغم من ان انا والثانيه كانت تسعدنا هذى السوالف الي حسينا انا صديقتنا بدت تنزعج من كلامنا الي بعده صرنا انا والاولى ربع الروح بالروح اسرارنا مع بعض ما تطلع برى .مرت الايام بهالكليه وكنت ماخذه على نفسي عهد اني ما اكلم اي شاب او تكون بيني وبينه اي علاقه كنا انا وصديقتي نسولف ونضحك وماخذين الدنيا بوناسه مع ذلك كنا متفوقات بالدراسه والدكاتره يحبونه لانه كنا مؤدباتوشطار كنا نقعد بالساعات بالكليه مانطلع طلعتتنا اهيه الكليه وبس وكانت امي ماترضى اطلع مع اي بنت ومرت الايام مع تحرش الشباب(هذا يكتبلي شعر على الدرج وهذا يحطلي رساله بكتابي وغيره وغيره.....هذا غير الي يتحرشون برفيجتي)و كنا نعطي كل واحد لقب الي حطلي رساله بكتابي بعد تعب طويل قدر يعرف رقم بيتنا و خلا اختى اتكلمني تخطبني له انا ما اعرف عنه اي شى ولكن لان اهو ابدوي احنا حضر ابوي رفض هذا المعرس هذا يعتبر الثالث اللي انا ارفضه بعذر اني بكمل دراستي كان في واحد مو دايرتله بال معجب فيني يتلصص الاماكن اللي انا اكون فيها بس علشان يشوفني وكان يبي يعطيني رقم مبايله لكن انا ما اطيه ويهولا امعبرته انتهت السنه الدراسيه بتفوقي ووضع اسمي مع قائمه الشرف.بالعطله حسيت بشي غريب ينتابني وله شديدبالشاب هذا كنت ما افكر الا فيه ولا احلم الا بصورته صار فيني مرض الحب الي اول مره اجربه كنت كلا نايمه امي خافت علي وقالتلي هذى عين عين ياابنيتي ودتني عند قرايه قرت علي على الرغم اني اعرف شنو حالتي.قبل بد#### السنه الجديده كنت اتلهف لشوفته .اول يوم كنت ادوره بعيوني وكان امين على الي الكل حس بتغيري مو انا الاوليه الي اضحك ونكت الحب شنو سوى فيني صار مالي خلق البنات اقعد بالمحضره واسكت وكنت انطره يمر بالممر الي محاضرتي فيه وكنت بغايت السعاده لشوفته كان يلمح انا يكلمني لكن ماكنت اخليه ابدا صا قصه حب بيني وبينه الي الكل لاحظ كنت امر بالممر الي اهو فيه مت الايام وجاء عيد الحب الي طرش رفيجتي ان تشتري لي ورده وفعلا ناديت صديقنا الفراش(الهندي)الي حط الورده على سيارته عرف اني بعد ابادله الحب لما سالت عنه طلع اهو خريج السنه هذى انصدمت اني ما راح اشوفه بعد وانته العام الدراسي وكنا بالفاينل قلت حق رفيجتي انا لازم اسوي شى وفعلا اخذت الرقم من اخوه الي يابه معاه اخر يوم وبدا الشيطان يلعب ابمخي كنت اكلمه باليوم مره وحده لاني اخاف من اهلي كان يطلب اشياء مو زينه مني وانا اصده وكنت امغمضه ما ادري انا اهو لعوب وما يحبني بالعكس كان متراهن مع اصدقاءه ان اهو راح يقدر على.مر شهر وهو يطلب ونا ارفض كنت بس ابي اسمع صوته لما مل مني وجاء اليوم المشؤم الي قالي انا راح يتزوج وخلاص لازم الي بيني وبينه ينتهي كان هاليو عيد ميلادي وكانت رفيجتي معاي بهاليوم الي شافتني وانا ابثاني حال هدتني..... ما قدرت انساه كان في بالي على طول كنت ادعي انا يكون من نصيبي لكن الله ما قسم انا الحين متزوجه وعندي اعيال وتقريبا شلته من بالي.والحمد لله جات على كذا لانه كان هدفه غير نبيل وكان يبي ياخذ اللي يبي وبعدها يرميني وكان هدفه زواج ابدا بل كان متراهن مع رفيجانه انه يقدر ييبني . والحمد لله انه ماوصل للي يبيه مع تحيات السيد ابوعامر سفير الحب والغرام  | |
|
