مااقدر اعيش دنياي من دونك.. ماقدر اتصور حياتي من غير لقياك.. ودعتك الله وعسى العوذال مايغيرونك.. يشهد الله دمعتي بعيني من يوم فرقاك.. ذبحت قلبي بغلاك وياغيرتي من اللي يحبونك.. أبغي اكون الوحيدة اللي تستاهل غلاك.. من بين اللي حولك ليتني اكون من اللي يهمونك.. ليتني اكمل باقي العمر وياك.. أدري مافيني من الحلا زود ولاني من اللي يشدونك.. بس يكفيني لا تبسمت تتعبك بسمتي و تنتعش دنياك.. ماعاد بقلبي كلام بس" وحشتني عيونك" ليتك ترحم اللي ذابت بهواك..
.
.
لا تجيني تطلب الرجوع..
أنا قلبي مل منك وتعب من جفاك..
ياما سهرت ليالي وعيوني تذرف دموع..
لا حسيت فيني ولا بقلبي اللي دوم معاك..
بس حبيت اقول لك اني طفيت الشموع..
ماعاد قلبي اليومـ يذكر هواك..
يلوموني يوم حبيتك ورضيت بالخضوع..
اليوم انا الوم نفسي لاني مشيت وراك..
انت مو قد الحب دامك تخون..
ارجوك فارق قلبي ، لانه اليوم والله نساك..
.
.
تعَّود ياقلبي على الصدمات يجي منهم أكثر.. تسقيهم من محبتك بجنون..والجروح هم يعطونك.. أدري ماتقدر على فرقاهم ولا أنا أقدر.. لكن ياقلبي لو تطيح ولا كأنهم يعرفونكـ.. سامعة,, وشايفة.. وماقدر عن هواهم أتغيَّر.. ليتهم يواسونك لو شافوا الدمعة بعيونك.. تعبت من خطاهم ومااقدر اتحمل مااقدر.. تأكد ياقلبي بأي لحظة ممكن يبيعونك.. حلمت البارحة بخناجرهم تزيد طعون.. وأنت ياقلبي جريح..غارق بطعونك.. انا اوعدك اني عن دربهم راح اتغَّير.. حتى لو قلوبهم تناديك..صد ولا يهمـونك..!!
.
.
أبكتب لك أحاسيسي وانثرها بحبر غلاتك.. من زود الحب اللي فيني ومن كثر مااغليك.. تدري إني اشتاق لك واشتاق لهمساتك.. وحتى لو أشوفك..اصرخ من كل قلبي أبيك.. مثلك أنا مالقيت..كل شيء فيك يثير اهتمامك.. كل مافيني يحبك..وكل مافيني يبيك.. أموت من غيرتي لاشفت غيري يرتمي باحضانك.. أبعرف بس ، من متى صارت غيرتي تسليك..!! كلٍ درى إني ميت بحبك..واني أموت واحيا على وصالك.. تدري اللي يحبك صعب يخليك..ربي بلاك بإنسانة..حيــل تغليك..!!